شاڵاو هیدایەت شارەزای بواری كەشناسی رایگەیاند، لە ئەمشەوەوە بەفر و بارانبارین لە چەند ناوچەیەكی هەرێمی كوردستان دەستپێدەكات و كاریگەریی شەپۆلەكە تاوەكو ناوەڕاستی هەفتەی داهاتوو بەردەوامدەبێت.
دەشڵێت، “ئێستا لە تەواوی ناوچەكانی سنووری بادینان، هەولێر، كۆیە، راپەرین و بەشێكی سنووری پارێزگای كەركوك فراوانترین بەشی شەپۆلە كە گەیشتووە بەفر و باران لە ناوچە جیاوازەكان دەبارێت لەكاتەكانی داهاتوودا دەگاتە تەواوی سنووری سلێمانی و شارەزوور و هەڵەبجە و گەرمیان و ئەمشەو لە تەواوی ناوچە ئەگەری بارانی باش هەیە تا بەرزایی 1000 مەتریش لەئاست ڕووی دەریاوە بەفر دەبارێت.
باسی لەوەش كردووە، ئەگەری هەورەبروسكە هەیە لە بەشێك ناوچە تایبەت ناوچەكانی خۆرئاوا و گەرمەسێریەكان لەگەڵ تەرزەش لە هەندێك ناوچە.
ئاماژەی بۆ ئەوەش كردووە، كاریگەریی شەپۆلی بەفر و بارانی ناو بەناو تاوەكو ناوەڕاستی هەفتە دەمێنێتەوە.
