رێبوار تەها، پارێزگاری کەرکوک رایدەگەیەنێت، ئەو خاوەن دوکانانەی شەوانە پاش داخستنی دوکانەکانیان پاشماوەیان بەجێدەهێشت، سزای دارایی دران.
رێبوار تەها لە هەژماری فەیسبوکی خۆی چەند وێنەیەکی پاشماوەکانی بڵاوکردووەتەوە و نوسیویەتی، دوای ئەوەی خاوەن دوکانەکان شەوانە دوای داخستنی دوکانەکانیان، پاشماوەکانیان بەم شێوەیە بەجێدەهێشت، پارێزگاری كەركوك فەرمانی بە غەرامەکردن و ئاگادارکردنەوەیاندا لەڕێی كەرتەكانی شارەوانییەوە.
ئاماژەی بەوەشکردووە، ئەمەش وەک پاڵپشتییەک بۆ هەوڵەکانی پاککردنەوە و جوانتركردنی سیمای كەركوك و هاوكاریكردنی تیمەكانی شارەوانی لە پاککردنەوەی شارەكە.
