دادگای فیدراڵی ئەو سکاڵایەی یەکلاکردەوە کە سەرۆک کۆماری عێراق لەسەر سەرۆک وەزیرانی عێراق و وەزیری دارایی عێراق تۆماریکردبوو.
دادگای باڵای فیدراڵیی عێراق، سکاڵاکەی لە بەرژەوەندیی لەتیف رەشید، سەرۆک کۆماری عێراق یەکلایی کردەوە.
بەپێی بڕیاری دادگای فیدراڵی، دەبێت بەبانکیکردنی مووچەی مووچەخۆران جێبەجێبکرێت. د. لەتیف رەشید سەرۆك كۆماری عێراق، لە دادگای فیدراڵی سكاڵای دژی سەرۆك وەزیران و وەزیری دارایی عیراق تۆماركردبوو.
لە سکاڵاکەیدا سەرۆک کۆماری عێراق داوایكردبوو وەزارەتی دارایی عێراق بە دابەشكردنی مووچەی مووچەخۆرانی هەرێم و بەبانكیكردنی مووچەكانیان پابەندبكرێت.
