بانكی ناوەندیی عێراق مامەڵەكردنی دۆلار لە چەند بانكێك قەدەغە دەكات.
ئاژانسی هەواڵی رۆیتەرز بڵاویكردووەتەوە، بانكی ناوەندیی عێراق مامەڵەكردن بە دۆلاری ئەمریكی لەسەر پێنج بانكی ناوخۆیی قەدەغەكردووە و هۆكارەكەی پەیوەندی بە سپیكردنەوەی پارە و بە قاچاخبردنی دۆلارە هەبووە.
ئاماژە بۆ ئەوەش كراوە، ئەم بڕیارە دوای كۆبوونەوەكەی هەفتەی رابردووی نێوان بەرپرسانی بانكی ناوەندیی عێراق و بەرپرسانی خەزێنەی ئەمریكا لە دوبەی دێت.
