بەهۆی ئەو شەپۆلی بارانبارینە بەخووڕەی چەند ناوچەیەكی عێراقی گرتووەتەوە سبەی یەكشەممە، لە ناوەندەكانی خوێندن و دەزگا و دامەزراوە حكومییەكانی چەند پارێزگایەك كرایە پشوو.
میدیاكانی عێراق بڵاویانكردووەتەوە، سبەی یەكشەممە، لە پارێزگاكانی بابل، زیقار و واست، بەهۆی بەردەوامبوونی ئەو شەپۆلی بارانبارینە بەخووڕەی ئەو پارێزگایانەی گرتووەتەوە، بڕیاردراوە بكرێتە پشوو لە سەرجەم فەرمانگە حكومییەكان و ناوەندەكانی خوێندنی ئەو پارێزگایانە.
جێی ئاماژە بۆ كردنە، شەوی رابردووش شەپۆلێكی بارانبارینی بەخووڕ بەغدای پایتەخت و چەند ناوچەیەكی گرتەوە و لافاو لە چەند شوێنێك دروستبوو.
