شەڕ لە نێوان بریكارێكی سلێمان هەڵشۆیی و خاوەن قەرزێكیدا ڕوویدا و كەسێك بریندارە.
پەیامنێری تۆڕی میدیایی ئێستا لە سنووری ئیدارەی ڕاپەرین گواستییەوە، ئێوارەی ئەمڕۆ شەممە لەناو بازاری سەنگەسەر یەكێك لە بریكارەكانی سلێمانی هەڵشۆیی تەقەی لە یەكێك لە خاوەن قەرزەكانی هەڵشۆیی كردووە و بەسەختی برینداربووە.
ئاماژەی بەوەكرد، بریندارەكە گوللەیەك بەر سەری كەوتووە و گەیەندراوەتە نەخۆشخانەی گشتیی ڕانیە و بەهۆی سەختی بریندارەكەیەوە ڕەوانەی نەخۆشخانەكانی شاری سلێمانی كراوە.
هاوكات شۆڕش ئیسماعیل، وتەبێژی بەڕێوەبەرایەتیی پۆلیسی ڕاپەرین لەلێدوانێكدا بە تۆڕی میدیایی ئێستای ڕاگەیاند، ئێوارەی ئەمڕۆ شەممە بریندارێك ڕەوانەی نەخۆشخانەی گشتیی ڕانیە كراوە و بەهۆی سەختی برینەكەیەوە ڕەوانەی نەخۆشخانەكانی شاری سلێمانی كراوە.
وتەبێژی بەڕێوەبەرایەتیی پۆلیسی ڕاپەرین، ئاشكرایكرد، كەمێك پێش ئێستا تەقەكەرەكە دەستگیركراوە و لێكۆلێنەوە لەگەڵ تۆمەتبارەكە دەستیپێكردووە.
