ئاژانسی کارەسات و قەیرانەکانی تورکیا (ئافاد) رایدەگەیەنێت، بومەلەرزەیەک بە گوڕی 4.8 پلەی رێختەر، پارێزگای چەولیگی لە باکووری کوردستان هەژاند.
ئافاد لە ماڵپەڕی خۆی ئاماژەی بەوەداوە، بومەلەرزەکە کاتژمێر 02:24ـی بەرەبەیانی ئەمڕۆ یەکشەممە روویداوە و چەقەکەشی، لە شارۆچکەی یەدیسوی سنووری پارێزگای چەولیگی باکووری کوردستان تۆمارکراوە.
وەک لە بڵاوکراوەکەی ئافاد-دا هاتووە، قووڵایی بومەلەرزەکە 12.79 کیلۆمەتر بووە و هاوکات، هیچ زیانێکی گیانی و ماددیشی لێنەکەوتووەتەوە.
