پۆلیسی هەولێر دەستگیرکردنی باندێکی راگەیاند کە نازناوی راوچی کۆیلەکانیان لە خۆیان نابوو و تۆمەتباربوون بە ئەنجامدانی تاوانی ئەلیکترۆنی.
بەڕێوەبەرایەتیی پۆلیسی هەولێر بڵاویکردەوە، توانرا ئەندامانی گروپی راوچی کۆیلەکان دەستگیربکرێن کە هەستابوون بە ئەنجامدانی تاوانی ئەلیکترۆنی و هەڕەشەی بڵاوکردنەوەی وێنە و ڤیدیۆی نەشیاویان لە خانمان کردبوو.
ئاماژەی بەوەشکرد، یەکێک لە تۆمەتبارەکان خەڵكی قەزای سۆرانە و بە هاوکاریی پۆلیسی سۆران توانراوە دەستگیربکرێت.
ئاشکراشیکرد، سەرجەم تۆمەتبارەکان دانیان بە تاوانەکانیاندا ناوە، دۆسیەی لێکۆڵینەوەیان بۆ کراوەتەوە و دراونەتە دادگا.
