وەفدی ئیمڕاڵی لەڕێگەی دەروازەی ئیبراهیم خەلیلەوە گەیشتە هەرێمی کوردستان و بڕیارە رۆژی دوشەممە لەگەڵ بافڵ جەلال تاڵەبانی، سەرۆکی یەکێتیی نیشتمانیی کوردستان کۆببێتەوە.
بەپێی زانیارییەکان، وەفدەکە پێکهاتووە لە کەسکین بایندر، هاوسەرۆکی پارتی هەرێمە دیموکراتەکان (بەدەپە) لە تورکیا، سری سورەییا ئۆندەر، بریکاری سەرۆکی فراکسیۆنی دەم پارتی و پەروین بوڵدان، پەرلەمانتاری دەم پارتی لە بازنەی وان.
بڕیارە دوای ئەنجامدانی چەند کۆبوونەوەیەک لە هەولێر، وەفدەکە سەردانی سلێمانی بکات و لەگەڵ بافڵ جەلال تاڵەبانی، سەرۆکی یەکێتیی نیشتمانیی کوردستان کۆببێتەوە.
