کەشناسیی هەرێم: پلەی گەرمی بەرزدەبێتەوە

کەشناسیی هەرێم رایگەیاند، ئەمڕۆ و سبەینێ پلەی گەرمی بە 1بۆ3 پلەی سیلیزی بەرزدەبێتەوە.

بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، ئەمڕۆ شەممە، ئاسمان ساماڵ و پەڵەهەور دەبێت، لە کاتەکانى شەودا دەگۆرێت بۆ نیمچەهەور ، پلەی گەرمی بەراورد بە تۆمارکراوەکانی دوێنێ ( 1– 3 ) پلەى سیلیزى بەرزدەبێتەوە.

باس لەوەشدەکات، سبەینێ یەکشەممە، ئاسمان لە نێوان نیمچەهەور بۆ هەورى تەواو دەبێت، پلەی گەرمی بەراورد بە تۆمارکراوەکانی ئەمڕۆ ( 1 – 3 ) پلەى سیلیزى بەرزدەبێتەوە.

بەرزترین پلەی گەرمیی پێشبینیکراو بە پلەی سیلیزی

هەولێر : 15  پلەی سیلیزی

سلێمانی : 13 پلەی سیلیزی

دهۆک : 13 پلەی سیلیزی

زاخۆ  : 13 پلەی سیلیزی

هەڵەبجە : 14 پلەی سیلیزی

کەرکوک : 16 پلەی سیلیزی

گەرمیان : 18 پلەی سیلیزی