ئەمڕۆ شاندی دانوستانكاری حكومەتی هەرێم لەگەڵ كۆمپانیاكانی نەوت و گاز كۆبووەوە و نیازی حكومەتی هەرێم بۆ چارەسەری ریشەیی كێشەكان خرایەڕوو.
كۆبوونەوەكە لە باڵەخانەی ئەنجومەنی وەزیران بە ئامادەبوونی شاندی دانوستانكاری حكومەتی هەرێمی كوردستان و تیمی وەزارەتی سامانە سروشتییەكان لەگەڵ كۆمپانیاكانی گواستنەوە و بەرهەمهینانی نەوت و گاز رێكخرابوو.
لە كۆبوونەوەكەدا باس لە دوایین پێشهاتەكانی گفتوگۆی نێوان هەرێم و بەغداد كرا سەبارەت بە یاسای بودجە و نەوت و رووناكی خرایە سەر هەنگاوەكانی حكومەتی هەرێم بە ئاراستەی چارەسەری كێشەكان.
هەر لە كۆبوونەوەكەدا نیازی حكومەتی هەرێم بۆ چارەسەری ریشەیی جەختیلێكرایەوە و ئاماژە بەوەدرا ئەوەی لەسەر حكومەتی هەرێم بووە ئەنجامیداوە تاوەكو گفتوگۆكان بگەنە رێككەوتن و چارەسەر و ئاماژەدرا بە كۆبوونەوەی هاوبەشی حكومەتی هەرێم و شاندی باڵای وەزارەتی نەوتی فیدڕاڵ كە هەرێمی كوردستان ئەوەی پێویستبووە لە زانیاری و داتا و بەڵگەنامەكان خستوویەتە بەردەم وەزارەتی نەوتی عێراق.
لە كۆبوونەوەكەدا خواستی هەرێم بۆ دەستپێكردنەوەی هەناردەكردنی نەوتی هەرێم خرایەڕوو كە ئەم بابەتەش پێویستی بە دۆزینەوەی لێكتێگەیشتنی هاوبەشی هەموو لایەكە سەبارەت بە تێچووی بەرهەمهێنان و گواستنەوەی نەوت.
هەر لە درێژەی كۆبوونەوەكەدا باس لەو ئاڵنگاریانە كران كە لە ماوەی چەند ساڵی رابردوو هاتووەتەپێش كۆمپانیاكانی نەوت كە بەهۆی بارودۆخی ئابورییەوە بۆیان دروستبووە
