وەزارەتى پێشمەرگە دەرچوونى فەرمانى پێدانى زەوى بۆ زیاتر لە نۆ هەزار ئەفسەر و پێشمەرگە رادەگەیەنێت.
وەزارەتی پێشمەرگە رایگەیاند، لە گەڕی دووەمی پرۆسەى دابەشکردنى زەوى، لە کۆی ئەو 18 هەزار و 879 ناوەى کە بە دوو وەجبە رەوانەی وەزارەتی شارەوانی کردووە، ناوی نۆ هەزار و 165 ئەفسەر و پلەدار و پێشمەرگە، فەرمانی تەرخانکردنی زەویان بۆ دەرچووە.
دەشڵێت، دەرچوونى فەرمانەکە بەپێى ئەم خشتەیەى خوارەوەیە:
– سنووری ئیدارەی سەربەخۆی زاخۆ 114 ناو.
– سنووری پارێزگای هەڵەبجە 18 ناو.
– سنووری ئیدارەی سەربەخۆی راپەرین 490 ناو.
– سنووری پارێزگای سلێمانی 627 ناو.
– سنووری پارێزگای هەولێر 3899 ناو.
– سنووری پارێزگای دهۆک 2413 ناو.
– سنووری ئیدارەی سەربەخۆی گەرمیان 48 ناو.
– سنووری ئیدارەی سەربەخۆی سۆران 1544 ناو.
وەزارەتى پێشمەرگە دەشڵێت، پڕۆسەکە بەردەوامی دەبێت، بۆیە داوا لە هەموو ئەو هێز و یەکانەی وەزارەتی پێشمەرگە دەکەین، کە تاکوو ئێستا فۆڕمەکانیان تەواونەکردووە پەلەبکەن لە رێکخستن و بە داتاکردنی فۆرمەکانیان و بە رێکوپێکی ناردنیان بۆ لیژنەی زەوی وەزارەت و هاوکاربن لە جێبەجێکردنی ئەو رێنماییانەی بۆیان نێردراوە بۆ ئەوەی زۆرترین پێشمەرگە سوودمەندبێت لەم پڕۆسەیە لە سەرتاسەری هەرێمی کوردستان.
