کەشناسیی هەرێم: لە سەنتەری سلێمانی و دهۆک ئەگەری بەفربارین هەیە

کەشناسیی هەرێم، رایگەیاند، “سبەینێ ئەگەری بەفربارین لە سەنتەری پارێزگاکانی سلێمانی و دهۆک هەیە”.

بەڕێوەبەرایەتیی گشتیی کەشناسی و بومەلەرزەزانیی هەرێم، لە راگەیەندراوێکدا بڵاویکردەوە، “ئەمڕۆ چوارشەممە، ئاسمان ساماڵ و پەڵەهەور دەبێت، لە کاتەکانى ئێوارەدا بۆ نیمچەهەور دەگۆڕێت و  پلەی گەرمی بەراورد بە تۆمارکراوەکانی دوێنێ کەمێک بەرزدەبێتەوە”.

کەشناسیی هەرێم دەڵێت، “سبەینێ پێنجشەممە، ئاسمان بەگشتى نیمچەهەور دەبێت، لە کاتەکانى دواینیوەڕۆوە دەگۆڕێت بۆ هەورى تەواو لە ئەنجامى هاتنی شەپۆلێکى بەفر و باران لەسەر ناوچەکەمان، بارانبارین بەشێوەى نمەبارانی پچڕ پچڕ دەستپێدەکات، لە کاتەکانى ئێوارەدا کاریگەریى ئەم شەپۆلە زیاددەکات و بارانى مامناوەند دەبارێت، بەفر لەسەر ناوچە شاخاوییە بەرزەکان و سنوورییەکان دەبارێت، ئەو ناوچانەى بەرزاییان لە (1000) مەتر زیاتر بێت ئەگەرى بەفربارینی هەیە.

باس لەوەشدەکات، “لە سەنتەرى پارێزگاکانی سلێمانى و دهۆک ئەگەرى بەفرى هەیە بە تێکەڵى لەگەڵ باران، پلەی گەرمی بەراورد بە تۆمارکراوەکانى ئەمرۆ کەمێک نزمدەبێتەوە”.

بەرزترین پلەی گەرمیی پێشبینیکراو بە پلەی سیلیزی :

هەولێر     : 15 پلەى سیلیزى

سلێمانی  :  12پلەى سیلیزى

دهۆک     : 12 پلەى سیلیزى

کەرکوک  : 16 پلەى سیلیزى

زاخۆ      :  12 پلەى سیلیزى

هەڵەبجە : 13  پلەى سیلیزى

حاجی ئۆمەران: 0  پلەى سیلیزى

سۆران: 11پلەى سیلیزى

گەرمیان  : 20 پلەى سیلیزى