عێراق لە بڕی 256 ملیۆن دۆلاری قەرزی شایستەی دارایی سەر مۆزەمبیق خۆشبوو.
وەزارەتی دارایی مۆزمبیق بڵاویکردووەتەوە، عێراق لە بڕی 256 ملیۆن دۆلاری قەرزی سەر وڵاتەکەی خۆشبووە کە بەهۆی کڕینی نەوت لە ساڵانی 1979-1980 لەسەری کەڵەکەبووە.
ئاشکراشیکردووە، کۆی قەرزی سەر وڵاتەکە 320 ملیۆن دۆلار بووە، لە ئێستادا 64 ملیۆن دۆلاری لاماوە و بڕیارە لە ساڵی 2029 ەوە دەستبکات بە دانەوەی لە ماوەی 15 ساڵدا کۆتایی پێبهێنێت.
ئەم رێکەوتنە لەمیانەی گفتوگۆی نێوان هەردوو وڵات دێت کە لە ئەبو زەبی بەڕێوەچوو.
