بەپێى پێشبینییەکانى کەشناسى ئەمڕۆ ئەگەرى نمەباران لە ناوچە جیاجیاکان و بەفربارین لە ناوچە شاخاوییەکان هەیە.
بەڕێوەبەرایەتیى گشتیى کەشناسى و بومەلەرزەزانیى هەرێم رایگەیاند، ئەمڕۆ ئاسمان هەوری تەواو دەبێت لەگەڵ بارینی نمەباران لە ناوچە جیاجیاكان، هەندێك كات بارانی مامناوەند دەبارێت بە تایبەت لە بەشی باشووری هەرێم و ئیدارەی گەرمیان و بەشێك لە پارێزگای سلێمانی.
دەشڵێت، لە ناوچە شاخاوییەكان بەفر بارین دەبێت و، پێشبینی دەكرێت لە پارێزگای سلێمانی و هەندێك لە قەزا و ناحیەكانى رۆژهەڵاتی هەرێم بەفر ببارێت.
هەروەک پلەى گەرمى بە (2-3) پلە نزمدەبێتەوە بەراورد بە تۆمارکراوەکانى دوێنێ.
دەربارەى کەشوهەواى سبەینێش، بەپێى پێشبینییەکان بە گشتی ئاسمان پەڵەهەور و نیمچە هەور دەبێت، پلەى گەرمى نزیک دەبێتەوە لە تۆماکراوەکانى ئەمڕۆ.
