وەزارەتی بەرگریی توركیا ڕاگەیەندراوێكی دیكەی لەبارەی ئۆپەراسیۆنەكەی لە خاكی هەرێمی كوردستان بڵاوكردەوە، بە ئاشكرا باس لە هەماهەنگی و بەشداریی پارتی دیموكراتی كوردستان دەكات.
بەوتەی وەزارەتی بەرگری توركیا، لە ئۆپەراسیۆنە نوێكەیاندا تەنها چەكی توركیا بەكاردەهێنن و “زیانی گەورە لە پەكەكە دراوە”.
هەر زوو لە باشووری كوردستان ئۆپەراسیۆنەكەی توركیا بەسترایەوە بە سەردانەكەی مەسرور بارزانی بۆ توركیا و بەشداری و ئاگاداریی پارتی لە دەستپێكی ئۆپەراسیۆنەكە، وەزارەتی بەرگریی وڵاتەكەش نەیشاردەوە و دەڵێت، “ئۆپەراسیۆنەکەمان بە هەماهەنگی لەگەڵ دۆست و هاوپەیمانەکانمان بەڕێوەدەچێت”.
بیانووی توركیا بۆ دەستپێكردنی ئۆپەراسیۆنەكە وەك ئەوەی وەزارەتی بەرگری باسیدەكات، ئەوەیە كە “پەکەکە ئامادەکاریی کردبوو بۆ ئەنجامدانی هێرشی بەرفراوان”، بۆیە ئەوانیش لە چوارچێوەی بەرگریلەخۆكردن ئۆپەراسیۆنەكەیان ئەنجامداوە.
