ئەنجومەنی باڵای دادوەری رایگەیاند، ناکرێت دادگای باڵای فیدراڵی کارکردن بە یاسایەک رابگرێت کە لە رۆژنامەی رەسمی بڵاونەکراوەتەوە.
ئەنجومەنی باڵای دادوەری لە عێراق لە راگەیەندراوێکدا بڵاویکردەوە، هەرسێ یاسای لێبوردنی گشتی و یاسای گەڕاندنەوەی موڵک و ماڵ و هەمواری یاسای باری کەسی لە ئەنجومەنی نوێنەران تەنها دەنگیان لەسەر دراوە و لە رۆژنامەی رەسمی بڵاونەکراوەتەوە تا بکەونە بواری جێبەجێکردنەوە.
ئاماژەی بەوەشکرد، بڕیارەکەی دادگای باڵای فیدراڵی بە گرنگ هەژمارناکرێت، چونکە لەبارەی یاسایەکەوە بڕیاریداوە کە هێشتا نەچووەتە بواری جێبەجێکردنەوە.
