بریكاری پێشووتری وەزارەتی دارایی عێراق رایدەگەیەنێت، كێشەی مووچە چارەسەربووە و لەمەودوا مانگانە لە كاتی خۆیدا دەنێردرێت.
د. فازڵ نەبی، بریكاری پێشووتری وەزارەتی دارایی عێراق رایگەیاند، پێشتر سێ گرفت لە پرسی مووچە لە نێوان هەرێم و بەغداد هەبووە كە بریتی بووە لە پرسی داهات و كێشەی لیستەكان و تەوتین و ئەوەی گرفتی سەرەكی بوو پرسی داهاتە ناوخۆییەكان و لەئێستادا هەردوولا گەیشتوونەتە رێككەوتن و هەرێم ئامادەیە مانگانە نیوەی داهاتەكەی رادەستی بەغداد بكات.
وتیشی، “كێشەی مووچە چارەسەربووە و لەمەودوا مانگانە لە كاتی خۆیدا دەنێردرێت و هیچ جیاوازییەك نامێنێت لە نێوان خانەنشینانی هەرێم و عێراق و ئەو گرفتانەی پێشتر هەبوون چارەسەردەكرێن”.
