بومەلەرزەیەک بە گوڕی 6.2 پلەی رێختەر ئیندۆنیزیای هەژاند.
ئاژانسی کەشناسی و بومەلەرزەزانیی ئیندۆنیزیا، بڵاویکردەوە، بومەلەرزەیەک بە گوڕی 6.2 پلە بە پێوەری رێختەر دوورگەی دۆیی لە پارێزگای مالوکوی باکووری ئیندۆنیزیا هەژاندووە.
بومەلەرزەکە لە کاتژمێر 04:45 خولەک بەکاتی رۆژئاوای ئیندۆنیزیا روویداوە.
بەپێی وتەی زانایانی بومەلەرزەزانیی وڵاتەکە، “بومەلەرزەکە لە قووڵایی 105 کیلۆمەتر لە ژێر رووی زەوی لە دەریادا بووە و ئەگەری روودانی تسۆنامی نییە”.
تائێستا هیچ زانیارییەک لەسەر زیانە گیانی و ماددیەکانی بومەلەرزەکە نەخراوەتەڕوو.
