کەشناسیی هەرێم رایدەگەیەنێت، ئەمڕۆ دووشەممە، پلەی گەرمی دوو بۆ سێ پلە بەراورد بە دوێنێ نزمدەبێتەوە و بەرزترین پلەش لە گەرمیان دەبێت.
بەڕێوەبەرایەتی گشتیی كەشناسی و بومەلەرزەزانیی هەرێم رایگەیاند، بەپێی پێشبینییەكان ئەمڕۆ دووشەممە ئاسمان ساماڵ و نیمچە هەور دەبێت و پلەی گەرمیش روو لە نزمبوونەوە دەكات.
لەبارەی کەشی سبەی سێشەممەوە، کەشناسی دەڵێت، هاوشێوەی ئەمڕۆ، ئاسمان ساماڵ و نیمچە هەور دەبێت، پلەی گەرمی بەراورد بە ئەمڕۆ، یەک بۆ دوو پلە نزمدەبێتەوە.
بەرزترین پلەکانی گەرمای پێشبینیکراویش بە پلەی سیلیزی بەمجۆرە دەبن، (هەولێر 16 پلە، سلێمانی 12، دهۆک 13، کەرکوک 17، زاخۆ 13، هەڵەبجە 14، حاجی ئۆمەران 2، سۆران 12 و گەرمیان 17 پلە).
