ئەدهەم بارزانی رایدەگەیەنێت، شەوکەت حەسکۆ بەرپرسی پاسەوانەکانی رەوان بارزانی لە زیندانی دەسەڵاتی هەولێر گیانیلەدەستدا.
ئەدهەم بارزانی کەسایەتی و سیاسەتمەداری کورد، لە پرسەنامەیەكدا رایگەیاند، بەداخ و پەژارەیەکی زۆرەوە شەوکەت حسکۆ لە زیندانی دەسەڵاتی هەولێر گیانی لەدەستدا.
ئەدهەم بارزانی لە پرسەنامەكەیدا، كە ئاراستەی (حسگۆ گۆران)ی باوكی قوربانییەكەی كردووە و بە پێشمەرگەی بارزان ناویبردووە، دەشڵێت، خزمەت و خەباتی ئێوە و بنەماڵەكەتان لە هەموو قۆناغەكانی تێكۆشاندا لەبەرچاوە، لە سەردەمی شاخ و پێكەوەبوونیاندا.
بەپێی زانیارییەکان شەوکەت حەسکۆ بەرپرسی پاسەوانەکانی رەوان بارزانی، دوو ساڵ لەمەوبەر بە تۆمەتی ناوزڕاندنی چەند بەرپرسێکی پارتی دیموکراتی کوردستان دەستگیرکرا و دوێنێ هەواڵی گیانلەدەستدانی لە زیندان بڵاوكرایەوە.
تا ئێستا کەسوکارەکەی و بەرپرسانی هەولێر هۆکاری گیانلەدەستدانەکەیان ئاشکرانەکردووە.
