ئەندامێكی ئەنجومەنی نوێنەرانی ئەمریكا رایدەگەیەنێت، ئەوەی لە سوریا گوزەرا هەنگاوی لەپێشینە بوو و پاش ئەویش نۆرەی عێراقە.
جۆو وێڵسن، ئەندامی ئەنجومەنی نوێنەرانی ئەمریكا لەسەر پشكی كۆمارییەكان لە راگەیەندراوێكدا لەهەژماری تایبەتی خۆی لە پلاتفۆڕمی ئێكس بڵاویكردەوە، ئەوەی لە سوریا ئەنجامدرا هەنگاوی یەكەم بوو و پاش ئەویش نۆرەی عێراق دێت.
باس لەوەشدەکات، “رووداوەكانی سوریا وەك پریشكی ئاگرێك دەبێت و گڕ لە عێراق، پاشان تونس بەردەدات و بە نەسڕوڵا (حوسییەكانی یەمەن) كۆتایی پێدێت”.
ئەوەش دەڵێت، “وردە وردە كۆتایی بە پاشكۆ و بووكەڵەكانی ئێران دێت”.
