سەرۆکی فراکسیۆنی یەکێتی لە ئەنجومەنی نوێنەرانی عێراق، رایگەیاند،” لیژنەیەک بۆ تەوتینی مووچەی مووچەخۆرانی هەرێم پێکدەهێندرێت”.
هەرێم کەمال ئاغا، سەرۆکی فراکسیۆنی یەکێتی لە ئەنجومەنی نوێنەرانی عێراق لە کۆنفرانسێکی رۆژنامەوانیدا رایگەیاند، “بۆ تەوتین کردنی مووچە لەڕێگای بانکە فیدراڵییەکان کە بڕیاری دادگای فیدراڵییە و داواکاریی مانگرتووانی سلێمانییە لەسەری سوورین و داوامان کردووە لیژنەیەکی بەپەلە لە ئەنجومەنی وەزیران و نوێنەران دیاریبکرێت بۆ جێبەجێکردنی داواکارییەکەیان و شکاندنی مانگرتنەکەیان”.
وتیشی، “دەنگدان بە هەمواری یاسای بودجە و کۆدەنگیی فراکسیۆنە کوردستانییەکان کارێکی نیشتمانی و نەتەوەیی بوو تاوەکو بتوانرێت لەو رێگایەوە چارەسەرێکی بنەڕەتی بۆ گرفتی مووچەی مووچەخۆرانی هەرێم بدۆزرێتەوە”.
