بۆ پاڵپشتیی مانگرتنەكەی سلێمانی و داواكردنی چارەسەری گرفتی مووچە لە هەولێر گردبوونەوەیەك ئەنجامدرا.
لەمیانەی گردبوونەوەكەدا راگەیەندراوی رێكخراوی پیشەیی مامۆستایان خوێندرایەوە كە تیایدا هاتووە، سوورین لەسەر داواكردنی پێدانی مووچەی مانگانە لەكاتی خۆیدا و كۆتاییهێنان بە قەیرانی دواكەوتنی مووچە. هەروەها پێدانی مووچەی مانگی 12ی ساڵی رابردوو و مانگی یەكی ئەمساڵ پێكەوە.
داواشكرا، پلەبەرزكردنەوە دەستپێبكاتەوە كە ماوەی 10 ساڵە راگیراوە و بەهۆیەوە مووچەخۆران دوو تا سێ پلەیان دواكەوتووە و لە ئاكامیدا مووچەخۆران لانیكەم 20 ملیۆن دیناریان خوراوە، جگە لە نەدان و پاشەكەوتكردنی نزیكەی 60 مووچە كە بەهۆی ئەویشەوە 30 تا 50 ملیۆن دیناری مووچەخۆران خوراوە.
