ئەسعەد حەسەن شەیبانی، وەزیری دەرەوەی سوریا لە تۆڕی کۆمەڵایەتی ئێکس پەیامێکی بە کوردی بڵاوکردەوە و نووسیویەتی، “كورد جوانی و روناكی بۆ رەنگاورەنگی گەلی سوریا زیادكردووە”.
ئەسعەد حەسەن شەیبانی دەڵێت، “گەلی كورد لە سوریا روبەڕوی ستەمبوونەتەوە لەلایەن رژێمی ئەسەدەوە”.
لە پەیامەکەیدا ئەوەشهاتووە، “پێكەوە وڵاتێك بونیاددەنێین هەمووان تیایدا هەست بە یەكسانی و دادپەروەری بكەن”.
بڵاوکردنەوەی پەیامێک بە زمانی کوردی لەلایەن دەسەڵاتدارانی نوێی سوریاوە، یەکەم جارە رووبدات و پێدەچێت پەیوەندیدار بێت بە دانووستانەکانی ئەمدواییانەوە کە لەنێوان هەسەدە و دەسەڵاتی نوێی سوریا بەڕێوەدەچێت.
