بەڕێوەبەرایەتیی هاتوچۆی گەرمیان رایدەگەیەنێت، لەناو شاری كەلار بەهۆی پێكدادانی سێ ئۆتۆمبێل پێنج كەس برینداربوون و رەوانەی نەخۆشخانە كران.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو بەهۆی رووداوێكی هاتوچۆوە لەناو شاری كەلار و نزیك قەڵای شێروانە پێنج كەس برینداربوون كە رووداوەكە لە نێوان سێ ئۆتۆمبێلی جۆری تۆیۆتا ئەڤەلۆن و جێب واز و جێب شیرۆكی روویداوە، بەهۆی ڕووداوەكەوە پێنج كەس برینداربوون كە ئۆتۆمبیلەكان لە گردەگۆزینە بە ئاراستەی كەلار هاتوون.
هەر لە راگەیەندراوەكەدا هاتووە، بریندارەكان بەمەبەستی وەرگرتنی چارەسەر گەیەندراونەتە نەخۆشخانەی فریاكەوتنی شەهید هەژار و لێكۆڵینەوە لە رووداوەكە لەلایەن تیمی هاتوچۆوە دەستیپێكردووە.
