لە عێراق پێنج هەزار و 200 کەس دادەمەزرێن، کە زۆرینەیان خاوەنی بڕوانامەی باڵان.
سەعد لامی، وتەبێژی ئەنجومەنی خزمەتگوزاری گشتی عێراق رایگەیاند، ئامادەکارییەکانیان بۆ دامەزراندنی پێنج هەزار و 200 کەس دەستیپێکردووە و بەمزووانە رێکارەکانییان تەواودەبێت.
دەشڵێت، لە ماوەی دوو ساڵی رابردوودا، نزیکەی 60 هەزار کەس لە لایەن ئەنجومەنەکەوە لە عێراقدا دامەزراون، کە زۆرینەیان خاوەنی بڕوانامەی باڵا بوون.
ئاماژەی بەوەشداوە، جێبەجێکردن و پڕۆسەی دامەزراندنەکە لەسەر داواکاری و رەزامەندی محەمەد شیاع سودانی سەرۆکوەزیرانی عێراق بووە.
