بەرەبەیانی ئەمڕۆ بومەلەرزەیەکی بەهێز شارۆچکەی قەسری شیرینی سەر بە پارێزگای کرماشانی هەژاند.
ناوەندی نیشتمانیی بومەلەرزەزانی ئێران بڵاویکردەوە، کاتژمێر 4:32 خولەکی بەرەبەیانی ئەمڕۆ بومەلەرزەیەکی بەهێز بەهێز شارۆچکەی قەسری شیرینی سەر بە پارێزگای کرماشان و سنووری عێراقی هەژاندووە.
ئاشکراشیکرد، بومەلەرزەکە بە گوڕی 5.1 پلە بە پێوەری رێختەر لە قوڵایی هەشت کیلۆمەتر و 12 کیلۆمەتر لە قەسری شیرین روویداوە.
تا ئێستا میدیاکانی ئەو وڵاتە هیچ زانیارییەکیان لەبارەی زیانەکانی بومەلەرزەکەوە ئاشکرانەکردووە.
