نەخۆشخانەی هیوا بڵاویكردووەتەوە گرفت و كێشەی خۆبەخشانی نەخۆشخانەی هیوا دەگەیەنەرێتە وەزارەتی تەندروستیی عێراق.
نەخۆشخانەی هیوا لە راگەیەندراوێكدا بڵاویكردووەتەوە، سەر لەبەیانی ئەمڕۆ دكتۆر یاد نەقشبەندی، بەڕێوەبەری نەخۆشخانەی هیوا و وەفدێكی یاوەری سەردانی دكتۆر بڕیار رەشید، ئەندامی ئەنجومەنی نوێنەرانی عێراقیان كرد.
لە راگەیەندراوەكەدا هاتووە، ئامانجی سەردانەكە باسكردن بوو لە كێشەو گرفتەكان بە شێوەیەكی گشتی و خۆبەخشانی نەخۆشخانە بە تایبەت كە كارێك بكرێت لە پایی ئەو خزمەت بەرچاوەی كە بەتووشبووانی شێرپەنجەی ناوەڕاست و خوارووی عێراق دەكرێت بەشێك لە خۆبەخشانە لەسەر حكومەتی عێراق دابمەزرێن.
ئاماژە بۆ ئەوەش كراوە، دكتۆر بڕیار رەشید بەڵێنیدا لە چەند رۆژی داهاتوودا لە رێگای وەزیری تەندروستیی عێراق و ئەنجومەنی نوێنەران و ئەنجومەنی وەزیرانی عێراق، كاربكات لەسەر داواكاریی خۆبەخشانی نەخۆشخانەی هیوا بۆ ئەوەی بەشێك لە خۆبەشانی هیوا دابمەزرێن.
