رێباز حەملان بریكاری وەزارەتی دارایی عێراق رایگەیاند، سەردانی تیمی تەكنیكیی وەزارەتی دارایی عێراقم كرد كە بە هاوبەشیی لەگەڵ تیمی تەكنیكیی وەزارەتی دارایی هەرێم و یەكەی ژمێریاری وەزارەتەكان و خانەنشینی سەربازی و مەدەنی لە ئامادەكاری لیستی مووچەی مانگی یەك و ئامادەكاری رێكخستنی لیستی مووچەی خانەنشینانن بەپێی یاسای هاوتاكراوی بەركار.”
دەشڵێت، “دەستخۆشی و سوپاسمان لە هەمووان كرد و پشتیوانیمان بۆ دووپاتكردنەوە بۆ ئەوەی كارەكان بەزوویی جێبەجێ ببن تا ناوەڕاستی ئەم هەفتەیە وەفدی باڵای هەرێم بگەڕێنەوە بەغداد و میكانیزمی كاركردن و خەرجكردنی مووچە بۆ ساڵی 2025 بخرێتە بواری جێبەجێكردنەوە”.
باسی لەوەش كردووە، تیمە تەكنیكییەكانی حكومەتی هەرێم رۆژانە تا شەوی درەنگ بەردەوام كاردەكەن هەموو داواكاری و تێبینییەكانی وەزارەتی دارایی عێراق دەخەنە بەردەم نوێنەرانی وەزارەتی دارایی عێراق بۆ وردبینیكردن و پەسەندكردنی بەپێی ئەو رێنمایی و یاسا كارپێكراوانەی وەزارەتی دارایی عێراق كاری لەسەر دەكات.
وتیشی، “حكومەتی هەرێم پابەندییەكانی لەسەریەتی جێبەجێدەكات لەپێناو دابینكردنی مووچەی مووچەخۆران و بەدەستهێنانی مافە داراییەكانی هەرێم بە پێی یاسای بودجەی 2025 و ئەو تەرخانكراوە داراییەی بۆی دیاریكراوە”.
