دەستەی داكۆكی لە مامۆستایان و فەرمانبەرانی ناڕازی رایدەگەیەنێت، لە سبەینێوە بایكۆت لە هۆڵەكانی خوێندن دەستپێدەكەنەوە.
دەستەكە ئەمڕۆ لە كۆنگرەیەكی رۆژنامەنووسیدا راگەیەندراوێكی بڵاوكردەوە و تیایدا هاتووە، لە سۆنگەی هەستكردنیان بە بەرپرسیارێتی پێشتر رایانگەیاندووە تا ئەنجامدانی تاقیكردنەوەكان بەردەوام دەبن و ویژدانیان ئاسوودە كرد، لە ئێستاشدا بەهۆی بێباكی دەسەڵات بڕیاریانداوە دووبارە دەست بە بایكۆتی دەوام بكەنەوە.
ئاماژەی بەوەشكرد، لە سبەی یەكشەممە بایكۆتی هۆڵەكانی خوێندن دەكەن و ناگەڕێنەوە بۆ دەوام، تا مووچەكانی كانونی یەكەمی 2024 (12) و كانونی دووەمی 2025 (ئەم مانگە) وەرنەگرن.
