بەرگری شارستانی سۆران رایگەیاند، لە قەزای چۆمان ئۆتۆمبێلێک گڕیگرت و بەدەر لە زیانی ماددیی هیچ زیانێكی گیانی نەبووە.
ئەمڕۆ چوارشەممە، بەڕێوەبەرایەتی بەرگریی شارستانیی سۆران رایگەیاند، ئۆتۆمبێلێکی جۆری “ئۆپڵ ئۆمیگا” لە ناو بازاڕی قەزای چۆمان گڕیگرت و بەشێكی سووتا.
ئاماژە بەوەشدراوە، دوای ماوەیەکی کەم لە گڕگرتنی ئۆتۆمبێلەکە، توانرا لەلایەن تیمێکی ئاگرکوژێنەوەی بەرگری شارستانیی چۆمانەوە ئاگرەکە کۆنتڕۆڵبکرێت و ئۆتۆمبێلەکە لە سووتانی تەواوەتی بپارێزرێت.
بەپێی راپۆرتی تیمی بەرگری شارستانیی، رووداوی ئاگرکەوتنەوەکە تەنها زیانی ماددیی هەبووە و هیچ زیانێکی گیانی نەبووە.
