بەڕێوەبەرایەتیی بازرگانیی خۆراکی سلێمانی، لەبەرامبەر وەرنەگرتنی بەشەخۆراکی مانگانە هۆشداری بە هاوڵاتییان دەدات.
کامەران فەتاح، بەڕێوەبەری بەڕێوەبەرایەتیی بازرگانیی خۆراکی سلێمانی، بە تۆڕی میدیایی ئێستای راگەیاند، هەر هاوڵاتییەک دوای دوو مانگ نەچوو بۆ وەرگرتنی بەشە خۆراکەکەی، بۆ سێیەم مانگ پێویستە بریکارەکە بەڕێوبەرایەتیی بازرگانیی خۆراک ئاگادار بکاتەوە.
باسی لەوەشکرد، چەند مانگێک دەرفەت بە هاوڵاتییەکە دەدرێت ئەگەر هەر نەڕۆیشت بەشە خۆراکەکەی وەربگرێت ئەوکاتە بەجێگەی خۆراکەکە پارەی پێدەدرێت بەوپێیەی دوای چەند مانگێک خواردنەکە خراپدەبێت، و ئەوەش بەپێی رێککەوتنی نێوان بریکارەکە و هاوڵاتییەکە دەبێت.
وتیشی، “ئەو بڕیارە لەو پێناوەدا دراوە کە هاوڵاتییان کەمتەرخەم نەبن بۆ ئەوەی مافیان نەفەوتێت و بریکارەکەش تووشی کێشە نەبێت، حاڵەتەکانیش کەمن و لە پەنجەی دەست تێناپەڕن”.
