دوای داخستنی رێگاکە بەهۆی بەفربارینەوە، بەیانی ئەمڕۆ رێگای تونێلی پێشڕەو کرایەوە.
بەڕێوەبەرایەتیی هاتوچۆی شارباژێڕ بڵاویکردەوە، بەسەرپەرشتی بەڕێوبەری هاتوچۆی قەزای شارباژێڕ لە بەیانی زووەوە هەوڵی کردنەوەی شەقامی تونێلی پێشڕەو دەدەین کە بەهۆی بەستن و شەختە لەسەر شەقامەکە ئاستەنگی هاتوچۆی دروستکردبوو.
ئاشکراشیکرد، بە هاوکاری تیمی ئاوەدانکردنەوە توانرا خوێ بکرێت بەشەقامەکاندا لە ئێستادا هیچ گرفتێک نییە و هاتوچۆ بە رێگاکەدا ئاساییە.
