دەزگای ئاسایشی هەرێم دەستگیرکردنی تۆمەتباری رووداوی کوشتنی ژنێک لە هەولێر رادەگەیەنێت.
دەزگاكە لە راگەیەندراوێكدا بڵاویكردەوە، پاش ئەوەی هەشت رۆژ بەر لە ئێستا لە هەولێر بەهۆی كێشەی خێزانییەوە ژنێك بەناوی (ژ.ی.ت.) لەلایەن براكەیەوە كوژرا و، پاش ئەنجامدانی تاوانەكە تۆمەتبار هەڵات، ئەمڕۆ تۆمەتباری ئەو رووداوە دەستگیركرا.
ئاماژەی بەوەشكرد، بە هەماهەنگی نێوان بەڕێوەبەرایەتیی ئاسایشی رۆژهەڵاتی هەولێر و بەڕێوەبەرایەتیی ئاسایشی سلێمانی توانرا شوێنی تۆمەتبار لە شاری كۆیە دەستنیشان بكرێت و لەگەڵ چەكی تاوانكارییەكەیدا دەستگیر بكرێت.
لە ئێستادا تۆمەتبار (ت.ی.ت.) بە ماددەی (406) لە یاسای سزادانی عێراقی راگیراوە و لێكۆڵینەوە لە دۆسیەكەی بەردەوامە، وەك ئەوەی دەزگای ئاسایش ئاماژەی پێداوە.
