ژمارەی دانیشتوانی چین لە ساڵی رابردوودا بۆ سێیەم ساڵی لەسەریەک کەمیکردووە، ئەمەش ئاماژەیە بۆ ئاستەنگە دیمۆگرافییەکان لەنێویاندا بەساڵاچوونی دانیشتووانی چین و کەمی منداڵبوون لە وڵاتەکە.
بەگوێرەی ئامارەکان، تا کۆتایی ساڵی 2024 ژمارەی دانیشتووانی چین کە دووەم وڵاتی جیهانە لە رووی ژمارەی دانیشتووانەوە لە ئێستادا و پێشتر یەکەم وڵات بوو، ژمارەی دانیشتووانی وڵاتەکەی یەک ملیار و 408 ملیۆن کەس بووە، ئەمەش بە بەراورد بە ساڵی پێشووتر یەک ملیۆن و 39 هەزار کەس کەمیکردووە.
ئەو ئامارانەی حکومەت لە پەکین رایدەگەیەنێت هاوتەریبن لەگەڵ رەوتە جیهانییەکان، بەتایبەتی لە رۆژهەڵاتی ئاسیا کە دابەزینی بەرچاوی رێژەی لەدایکبوونیان بەخۆیەوە بینیوە.
سێ ساڵ لەمەوبەر چین چووە ریزی ئەو وڵاتانەی ژمارەی دانیشتووانیان رووی لە دابزین کردووە، کە بریترین لە ژاپۆن و وڵاتانی ئەوروپای رۆژهەڵات کە بەردەوام ژمارەی دانیشتووانیان روو لە کەمبوونەوەیە.
