لەگەڵ چوونە تەمەندا ئاستی یادگە و بیر رووبەڕووی دژواری دەبێتەوە، بەڵام زانكۆی هاڤارد گەیشتە حەوت رێنوێنی بۆ پارێزگاری لە بیرێكی تیژ لە هەر تەمەنێكدا بیت، وەك ئەوەی (Hindustan Times) بڵاویكردووەتەوە، ئەوانیش ئەمانەن:
1- درێژەدان بە فێربوون: شارەزایان پێیانوایە فێربوون لە تەمەن جیاجیاكاندا پارێزگاری لە هێزی یادگە دەكات و وا دەكات ئەو كەسانە رابێن لەسەر چالاكیی بیرگەیان.
2- بەكارهێنانی سەرجەم هەستەكان: چەندێك ژمارەی ئەو هەستانەی كەسێك لە فێربوونی شتێكدا بەكاریدەهێنێت زیاد بێت، ئەوەندە بەشەكانی مێشك بەشداردەبێت لە پارێزگاری لە یادگە. هەستی بۆنكردن بە یەكێك لە باشترین رێگاكان دادەنرێت بۆ بیركردنەوەی شتێك.
3- متمانە بەخۆبوون: شارەزایانی هارڤارد رێنوێنی دەكەن بە پێویستیی باوەڕبوونی كەسێك كە دەتوانێت بە ئاسانی شتی بیربكەوێتەوە. ئەو متمانەیە دەبێتە هاندەر بۆ مێشك و هاریكاری دەبێت لە پەرەپێدانی توانای یادگەی.
4- بیری ئەرێنی: بیركردنەوەی ئەرێنی دەربارەی پارێزراویی یادگە لە سەرجەم تەمەنە جیاوازەكاندا. ئەگەر كەسێك باوەڕی وایە كە دەتوانێت ئەو تێگەیشتنەی باشبكات و بیگۆڕێت بۆ كردار، هەلێكی باشتری دەبێت بۆ پارێزگاری لە تیژیی بیر و یادگەی.
5- زانیارییە بەردەستەكان: دەشێت رۆژژمێر و نەخشە و پلاندانان و لیستی بازاڕكردن و دۆسیەی نووسراوەكان و دەفتەری ناونیشان هاریكار دەبێت لە پاراستنی زانیاریی رۆتینی لە بەردەستدا. شارەزایان رێنوێنی دەكەن بە پارێزگاری لە شتومەكەكان لە شوێنی دیاریكراودا بۆ بەخێرایی بیرهاتنەوەیان.
6- دووبارەكردنەوە و لەبەركردن: شارەزایانی هارڤارد رێنوێنی دەكەن بەوەی ئەگەر كەسێك دەیەوێت، شتێكی بیربكەوێتەوە كە بیستوویەتی یان خوێندویەتی یاخود بیری لێكردووەتەوە، بە دەنگی بەرز دووبارەی بكاتەوە یان بینووسێتەوە. بەم رێگایە، دەكرێت یادگە بەهێزبكرێت.
7- دروستكردنی هۆكاری یاریدەدەر: دەكرێت كار لەسەر دروستكردنیهۆكاری یاریدەدەری یادگە بكرێت. رێگەیەكی زیرەكانەیە بۆ بیرهاتنەوەی لیستەكان. دەتوانرێت وشە یان رستە یان ئاواز یاخود چیرۆك بۆ بیرهاتنەوەی بنەمایەك یان ناوێك یان هەر شتێكی تر بەكاربهێنرێت.
