تەندروستیی سلێمانی: لە 24 کاتژمێردا 114 منداڵ سییەکان لە نەخۆشخانە خەوێندراون

بەڕێوەبەرایەتیی گشتیی تەندروستیی سلێمانی پڕبوونی بەشەکانی نەخۆشخانەی منداڵانی ڕاگەیاند بەهۆی زۆریی منداڵانی نەخۆشی داخڵکراو لە نەخۆشخانەکەدا، بەپێی وتەی بەڕێوەبەری نەخۆشخانەکە، لە 24 کاتژمێردا 114 منداڵ بەهۆی هەوکردنی سییەکانیانەوە داخڵکراون.

تەنها لە شەو و ڕۆژی ڕابردوودا 600 نەخۆش سەردانی بەشی ڕاوێژکاریی نەخۆشخانەی د. جەمال ئەحمەد ڕەشیدی منداڵانیان کردووە و لەو ژمارەیە 114 منداڵ داخڵکراون.

لەوبارەیەوە دکتۆر پشدەر عەبدوڵڵا بەڕێوبەری نەخۆشخانەی د. جەمال ئەحمەد ڕەشیدی منداڵانی فێرکاری ڕایگەیاند، هەریەک لە بەشەکانی (منداڵی تازە لەدایکبووی یەک، چاودێریی ورد) بەشێک لە یەکەکانی ناو نەخۆشخانەکە پڕبوون لە منداڵی نەخۆش.

بەپێی وتەی دکتۆر پشدەر عەبدوڵڵا، زۆرینەی ئەو منداڵانەی داخڵکراون تەمەنیان خوار یەک ساڵە و هۆکارەکەشی هەوکردنی سییەکانیانە، کە بەشێکی زۆر لەو منداڵانە پێویستییان بە مانەوەیە لە نەخۆشخانە.

بەڕێوەبەری نەخۆشخانەکە، بەهۆی زۆریی نەخۆشەکانەوە ڕایگەیاند کە پێویستە ژمارەی تەختی نەخۆشخانەکە زیادبکەن.

دڵنیاییش دەداتە کەسوکاری نەخۆشەکان کە لە ئاییندەیەکی نزیکدا فشاری سەر نەخۆشخانەکە چارەسەردەکەن.

بابەتی پێشتر

  تابلۆی (خەونی گلگامش) گەڕێنرایەوە بۆ عێراق

بابەتی دواتر

مەزڵوم عەبدی بەرامبەر داعش داوای یەكێتیی نیشتمانی دەكات

بابەتی پەیوەندیدار
زیاتر ببینە

به‌هۆی گارسۆنێكه‌وه‌ هه‌زاران كه‌س مه‌ترسی توشبوونیان به‌ ڤایرۆسی جگه‌ر هه‌یه‌

كه‌ناڵێكى ئه‌مریكى ئاشكرایده‌كات له‌ ویلایه‌تى نیوجێرسی ئه‌مریكا به‌هۆی توشبوونى گارسۆنى قاوه‌خانه‌یه‌وه‌یه‌كه‌وه‌ به‌ هه‌وكردنى جگه‌ر مه‌ترسی ئه‌وه‌ هه‌یه‌ سه‌دان…
Total
1
Share