ئاژانسی رۆیتەرز بڵاویکردەوە، دانوستانکاران گەیشتنە رێککەوتنێک بۆ ئاگربەست لە شەڕی غەززە لە نێوان ئیسرائیل و حەماس.
ئاژانسی رۆیتەرز لە زاری بەرپرسێکەوە بڵاویکردەوە، دوای 15 مانگ لە ململانێ کە بووەتە هۆی کوژرانی دەیان هەزار فەڵەستینی ژمارەیەکی زۆری ئیسرائیلی و تێکچوونی دۆخی رۆژهەڵاتی ناوەڕاست، ئاگربەستکرا.
ڕێککەوتنەکە کە هێشتا بە رەسمیی رانەگەیەندراوە، قۆناغی سەرەتایی ئاگربەستی شەش هەفتەیی دەخاتەروو و کشانەوەی وردە وردەی هێزەکانی ئیسرائیلە لە غەززە و ئازادکردنی بارمتەکانی حەماس لە بەرامبەر دەستگیرکراوانی فەلەستینی کە لەلایەن ئیسرائیلەوە دەستبەسەرکراون لەخۆدەگرێت.
