رۆژی دووشەممەی داهاتوو، شایستەی دارایی کارمەندانی سەرژمێری دابەشدەکرێت.
بەڕێوەبەرایەتیی ئاماری سلێمانی لە راگەیەندراوێکدا بڵاویکردەوە، رۆژی دووشەممەی داهاتوو، 20ی کانوونی دووەمی 2024، لەڕێگەی لیژنەی دابەشکردنی مووچە لە تەواوی قەزاکانی پارێزگای سلێمانی و هەڵەبجە و ئیدارەی گەرمیان و راپەڕین، دەستدەکرێت بە پێدانی مووچە و میوانداری بەشداربوونی خولەکان بۆ سەرژمێری گشتیی دانیشتووان.
دەشڵێت، مووچەی مانگێک بریتییە لە 250 هەزار دینار لەگەڵ دوو هەزار دینار دینار وەک رسوماتی لێبڕین دەگەڕێتەوە بۆ بەغداد و 80 هەزار دینار شایستەی بەشداریکردنی هەشت رۆژی خولی راهێنان دابەشدەکرێت.
ئاماری سلێمانی باس لەوەشدەکات، بە مەبەستی وەرگرتنی شایستە داراییەکان، دەبێت کەسی وەرگر ئەم بەڵگانەی لای خوارەوە بهێنێت:
1- ئەستۆپاکیی پێدانەوەی تابلێت.
2- کۆپیی پێناسی باری شارستانی یان کارتی نیشتمانی.
ئەوەش دەڵێت، کەسی وەرگر دەبێت خۆی ئامادە بێت بۆ وەرگرتنی شایستەکەی.
