تەیف سامی وەزیری دارایی عێراق رایگەیاند، لە ساڵی 2024 دا بڕی 11 ترلیۆن دینارمان بۆ مووچەی مووچەخۆرانی هەرێم ناردووە، بەڵام هەرێم داهاتی نەوتی و نانەوتی رادەست نەکردووە.
ئەمڕۆ ئەمڕۆ شەممە لیژنەی دارایی ئەنجومەنی نوێنەرانی عێراق بانگهێشتی تەیف سامی وەزیری دارایی عێراقی کرد.
تەیف سامی لە کۆبوونەوەکەدا رایگەیاند، مووچەی ساڵی 2025 ی مووچەخۆرانی عێراق زامنکراوە.
سەبارەت بە مووچەی فەرمانبەرانی هەرێم باسیلەوەکرد، تەواوی مووچەی فەرمانبەرانی هەرێممان بۆ ساڵی 2024 رەوانەکردووە، کە بڕەکەی 11 ترلیۆن دینار بووە.
جەختیشیکردەوە، هەرێم داهاتی نەوتی و نانەوتی رادەست نەکردووە، کە بڕەکەی چوار ترلیۆن دینار بووە.
ئاشکراشیکرد، لە کۆی داهاتەکانی هەرێم، بڕی 320 ملیاری رادەستی بەغداد کردووە.
