کەشناسیی هەرێم رایگەیاند، “سبەینێ شەممە شەپۆلێکی بەفر و باران ناوچەکانی هەرێمی کوردستان دەگرێتەوە”.
بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، “پێشبینى دەکرێت سبەى شەممە لە دوای نیوەڕۆوە ئاسمانى هەرێم بگۆڕێت بۆ هەورى تەواو لە گەڵ دەستپێکردنى نمەباران، سەرەتا لە ناوچەکانى کەرکوک، گەرمیان، هەڵەبجە و سلێمانى پاشان هەموو ناوچەکانى هەرێم دەگرێتەوە لەگەڵ بارینى بەفر لە ناوچە شاخاوییە سنورییەکان”.
دەشڵێت، هەروەها پێشبینی دەکرێت رێژەی بارانبارین لە هەندێک لە ناوچەکانى گەرمیان، سلێمانى، راپەڕین، سۆران و دهۆک زیاتر بێت بە بەراورد لە گەڵ ناوچەکانى دیکەی هەرێم.
کەشناسیی هەرێم باس لەوەش دەکات، “ئەم شەپۆلە کاریگەرییەکەى بە لاوازی بەردەوامدەبێت تاوەکو رۆژی یەکشەممە بەتایبەت لە رۆژهەڵاتى هەرێم”.
