ئاگرێک لە شاری لۆس ئەنجلۆسی ئەمریکا کەوتووەتەوە و بەهۆیەوە 30 هەزار کەس ئاوارەبوون.
میدیا جیهانیەکان بڵاویانکردووەتەوە، بەرەبەیانی ئەمڕۆ ئاگرێک لە شاری لۆس ئەنجلۆسی ئەمریکا کەوتووەتەوە و بەهۆیەوە 30 هەزار کەس ئاوارەبوون و روبەرێکی فراوان سووتاون، زیان بە کارەبای زیاتر لە 10 هەزار ماڵیش گەیشتووە.
تیمەکانی فریاگوزاری رایانگەیاند، سەرەتا ئاگرەکە لە سنورێکی کەمدا روویداوە و روبەرەکەی بچوک بووە، بەڵام بەهۆی بای بەهێزەوە ئاگرەکە فراوان بووە و ناوچەیەکی زۆری گرتووەتەوە، کە بە زیاتر لە 12 کیلۆمەتر چوارگۆشە دەخەمڵێندرێت.
دەشڵێت، تاوەکو ئێستا ئاگرەکە زیانی گیانی نەبووە، تیمەکانیش سەرقاڵی کۆنتڕۆڵکردنی ئاگرەکەن و باری نائاسایی لەسەرتاسەری ناوچەکەدا راگەیاندراوە.
