ئەمڕۆ دابەشکردنی مووچەی مانگی 11ی ساڵی رابردوو کۆتایی دێت.
بەپێی ئەو لیستەی وەزارەتی دارایی و ئابوریی هەرێم بۆ دابەشکردنی مووچە بڵاویکردووەتەوە، ئەمڕۆ چوارشەممە مووچەی وەزارەتەکانی (رۆشنبیری و لاوان، کارەبا، ئاوەدانکردنەوە و نیشتەجێکردن، خوێندنی باڵا و توێژینەوەی زانستی)، دابەشدەکرێت.
بەپێی لیستەکە، ئەمڕۆ هەرسێ سەرۆکایەتییەکە (پەرلەمان، ئەنجومەنی وەزیران و هەرێم)، لەگەڵ (پێشمەرگە، دیوان-لیواکان-هێزەکانی 70 و 80)، مووچەی مانگی 11ی ساڵی رابردوو وەردەگرن.
بەپێی هەمان لیستی وەزارەتی دارایی، ئەمڕۆ مووچەی (بەڕێوەبەرایەتیی پۆلیسی دامودەزگا نەوتییەکان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی بەرگریی فریاکەوتن) دابەشدەکرێت.
ئەوە لەکاتێکدایە چارەنووسی مووچەی مانگی 12ی ساڵی 2024 هاوشێوەی مووچەی سێ مانگی کۆتایی ساڵی 2023 نادیارە.
