ئاسۆ فەرەیدون ئەندامی لیژنەی نەوت و غاز لە ئەنجومەنی نوێنەرانی عێراق رایگەیاند، بۆ عێراق نەوتی هەرێم پرسی سیادەیە نەک ئابووری.
ئاسۆ فەرەیدون بە تۆڕی میدیایی ئێستای راگەیاند، دوێنێ لە لیژنەی نەوت و غاز بانگهێشتی وەزیری نەوتمان کرد، بە گشتی قسەکانی دووبارە بوون و هەمان ئەو قسانە بوون کە پێشتر لە راگەیاندنەکان بڵاوبووبوونەوە، بەشێکی پەیوەست بوو بەو ناکۆکییەی لەسەر بڕی نەوت بۆ بەکارهێنانی ناوخۆیی هەرێم هەیە.
ئاشکراشیکرد، پرسی مووچە پرسێکی سیاسییە و نەوتی نییە، بۆ عێراق نەوتی هەرێم پرسی سیادەیە نەک ئابووری، بۆیە سەبارەت بە گەیشتن بە رێککەوتن گەشبین نیم.
