لە ناحیەی بەستۆرەی سەر بە قەزای پیرمام رووداوێکی تەقەکردن روویدا و بەهۆیەوە دوو پۆلیس برینداربوون.
حەمید کاکەیی قائیمقامی پیرمام بە تۆڕی میدیایی ئێستای راگەیاند، رووداوەکە دواینیوەڕۆی ئەمڕۆ روویداوە ئەمەش دوای ئەوەی کەسێک کە لەلایەن پۆلیسی هەولێرەوە داواکراوە و لەلایەن پۆلیسی بەستۆرەوە دەستگیرکراوە.
ئاماژەی بەوەشکرد، لەکاتی دەستگیرکردنەکەدا کەسێک کە خزمی دەستگیرکراوەکەیە دەسترێژی گوللەی کردووە و دوو پۆلیس برینداربوون.
وتیشی، برینی پۆلیسەکان سووکن و تەنها ساچمەیان بەرکەوتووە، تۆمەتبارەکانیش دەستگیرکراون و لێکۆڵینەوەکان بەردەوامن.
