پەرلەمانتارێك نوێترین زانیاری دەربارەی مووچەی مانگی 12 و رێككەوتنی هەرێم و بەغداد تایبەت بە ناردنی داهاتی ناوخۆ ئاشكرادەكات.
عەلی حەمەساڵح، ئەندامی پەرلەمانی كوردستان لە وەڵامی پەیامنێری تۆڕی میدیایی ئێستا لە هەولێر رایگەیاند، بە گشتی بەغداد بۆ ئەمساڵ سەروو 10 ترلیۆن و 900 ملیار دیناری بۆ مووچە ناردووە، دارایی هەرێمیش خۆیان دەڵێن نزیكەی 960 ملیاری داهاتی ناوخۆیان بۆ مووچە خەرجكردووە.
وتیشی، ئەو دوو بڕە كۆبكەرەوە و دابەشی 12ی بكە، مانگی 988 ملیار دینار دەكات كە بەشی مووچەی هەر 12 مانگەكە دەكات.
بەڵام تائێستا هەرێم بڕیاری نییە مووچەی مانگی 12 بدات، عەلی حەمەساڵح وای وت.
دەربارەی كەمیی ئەو بڕە پارەیەش كە تایبەت بە مانگی 12 لەلایەن بەغدادەوە نێردراوە، ئەو پەرلەمانتارە روونیكردەوە، بەپێی رێككەوتنی نێوان هەرێم و ناوەند بڕیاربوو لەدوای مانگی شەشەوە هەرێم لەنێوان 77 تا 83 ملیار داهات بۆ بەغداد بنێرێت، كە 25%ی داهاتی ناوخۆ دەكات، بەڵام ئەمان نەیانناردووە.
باسی لەوەشكرد، بۆیە بەغداد لە بری ئەوە لە پارەی مووچەی بڕیوە.
