لە شەقامی 100 مەتری شاری هەولێر ئاگر لە دوکانێکی جوانکاری ئۆتۆمبێل کەوتەوە و تا ئێستا کۆنتڕۆڵ نەکراوە.
پەیامنێری تۆڕی میدیایی ئێستا لە شوێنی رووداوەکەوە گواستییەوە، لە شەقامی 100 مەتری ئاگر لە بینایەک کەوتووەتەوە و تا دێت ئاگرەکە تەشەنە دەسێنێت.
ئاماژەی بەوەشکرد، لەناو بیناکەدا چوار دوکانی جوانکاری ئۆتۆمبێل هەیە، لەگەڵ ژمارەیەک کۆگای کەلوپەل، ئاگر لە هەر چوار دوکانەکە کەوتووتەوە و تا ئێستا نەتوانراوە کۆنتڕۆڵبکرێت.
ئاشکراشیکرد، چەندین تیمی بەرگریی شارستانیی گەیشتوونەتە شوێنی رووداوەکە شەقامەکە داخراوە و لە هەوڵی کۆنتڕۆڵکردنی ئاگرەکەدان.
