خۆران تحسین رحمان، سەرۆکی ئەنجوومەنی مۆلیدەکانی هەولێر رایگەیاند، ئەمرۆ نرخی مۆلیدە ئەهلییەکان ناو شاری هەولێر و دەوروبەری دیاری کرا و بە گوێرەی کاتژمێرەکانی کارکردن و نرخی گازوایل، نرخی ئەمپێرێک کارەبای مۆلیدە لەناو شاری هەولێر لە نێوان 14500 بۆ 18750 دینارە.
باسی لەوەشکرد، تێکرای کارکردنی کاتژمێری مۆلیدەکان رۆژانە بۆ مانگی 12ی 2024 15 کاتژمێر و نیو بووە و ماوەی کارکردنی مۆلیدەکان (27) رۆژە و لیترێک گازوایل بە 545 دینار هەژمارکراوە و نرخی ئەمپێری مۆلیدە ئەهلییەکان لە ناو شاری هەولێت و بازاڕ و سنووری پارێزگای هەولێر بەم شێوازەیە:
ناوشاری هەولێر کاتژمێرەکان لە نێوان 352 کاتژمێر تاکو 460 کاتژمێرە نرخی یەک ئەمپێر لە نێوان 14500 دینار تاکو 18750 دینارە نرخی یەک کاتژمێری کارکردنی مۆلیدە (41) دینارە.
ناوبازاری شاری هەولێر کاتژمێرەکان لە نێوان 180 کاتژمێر تاکو 210 کاتژمێرە نرخی یەک ئەمپێر لە نێوان 8750 دینار تاکو 10500 دینارە نرخی یەک کاتژمێر کارکردنی مۆلیدە (48) دینارە.
دەوروبەری هەولێر و قەزا و ناحیەکان و گوندەکان کاتژمێرەکان لەنێوان 107 کاتژمێر تاکو 495 کاتژمێر بووە نرخی یەک ئەمپێر لە نێوان 5250 دینار تاکو 19750 دینارە بۆ یەک کاتژمێر کارکاکردنی مۆلیدەکان (40 + 41 + 48) دینارە.
ئەمەش لە کاتێکدایە، نرخی ئەمپێرێک کارەبای مۆلیدە لە شاری دهۆک 20 هەزار و 250 دینارە.
