وەزارەتی تەندروستیی عێراق رایگەیاند، لە شەوی سەری ساڵدا 564 کەس بە رووداوی جیاواز برینداربوون کە 200 کەسیان بەهۆی رووداوەکانی هاتوچوە برینداربوون.
ئەمڕۆ چوارشەممە، وەزارەتی تەندروستیی عێراق ژمارەی ئەو بریندارانەی راگەیاند کە لە کاتی بەڕێوەچوونی ئاهەنگی سەری ساڵدا لە سەرتاسەری عێراق تۆمارکراون.
سەیف بەدر، وتەبێژی وەزارەتەکە باسی لەوەکرد، حاڵەتی جیاواز تۆمارکراوە و برینداری تێدابووە بە گولـلە برینداربووە و پێویستی بە چاودێری چڕ بووە، بەڵام هیچ حاڵەتێکی گیانلەدەستدان تۆمارنەکراوە.
ئاماژەی بەوەشکرد، کۆی گشتی بریندارەکان بەهۆی یارییە ئاگرینەکانەوە 143 کەس بووە، برینداربوون بەهۆی تەقەکردنەوە 40 کەس بووە، ەووداوی هاتوچۆ 203 کەس بووە، برینداری هەمەجۆریش 178 کەس بووە لە سەرجەم پارێزگاکانی عێراق.
